Во очи на Карлинг купот

Следен меч од програмата на Арсенал е средбата од Карлинг купот против Њукасл. Се работи за натпревар кој е доста важно да се добие, иако многумина го потценуваат купот. Сепак, Венгер го нема освоено овој трофеј и чинам оти процени дека ова е нашата година. Со измената на ланската политиката (специјално за Тотенхем), со одлуката да игра претежно со првотимци, покажува дека е одлучен сезонава сериозно да тргне во поход и на тој пехар што го нема, што е за поздравување.

За престојниот натпревар, Венгер најави дека повторно ќе оди со главно првотимски состав, со мали исклучоци. На гол ќе биде (најпосле) Војчех Шчежњи, се најавува враќање на Хавард Нортвејд заедно со Кошчелни на централните одбранбени позиции, а напред сигурно ќе стартуваат Волкот, Бентнер и Вела. Лично очекувам да влетаат и Ебуе, Гибс, Диаби, Денилсон и Џеј Емануел Томас. Во можните комбинации е и Хенри Ленсбери (кој си обезбеди место со доброто издание против тимот на плачкото).

Њукасл во моментов уживаат во репутација на најголеми касапи во Премиер лигата, но важно ќе биде сконцентрираноста на играта на Арсенал, а не психолошките притисоци од противникот. Се надевам само дека никој нема да биде повреден и се надевам дека ќе имаме резултат сличен на оние од Лигата на шампионите, затоа што лека-полека, конкуренцијата станува многу силна, т.е. се филтрираат послабите екипи и ќе биде многу интересно до крајот на Карлинг купот.


(added by "Willy Foo Foo")