Arsenal v West Ham - Ratings

Некако долго време беше тивко на блогов и без стандардните рејтинзи! Да пробаме сега да видиме што ќе се случи:

Фабиански 7 - Перфектна игра од почеток до крај. Се посигурен и посигурен на голот. Кога збореше Арсен Венгер дека на тренинг Фабиански е ворлд клас сите му се смеевме (и јас исто), а се што му требаше на дечково беше една добра утакмица, за фул самодоверба. Најбитната ствар кај голман. Седмица има само затоа што немаше многу работа. (Ви текнува како го намести Фабрегас на корненот? И после ја рокна со глава)

Клиши 8 - Се мислев меѓу пола до осум и осум. Ама решив да му ставам 8ца не поради одличната асистенција за голот (со десна), туку за тоа што имаше една акција од Вест Хем со нафрлена топка, кога Клиши одлично покри и не дозволи да примиме гол, а често знаат такви топки да му избегаат. А, за шпартањето напред назад тоа е стандардно кај него.

Сања 7 - Одличен и напред и позади, имаше неколку добри центар-шутеви и неколку не толку добри, заслужена седмица.

Скилачи и Консчиелни 7 - Солидни назад, без грешки и со клин шит!

Денилсон 5 - Многу изгубени и подарени топки на противникот. Не викам дека не пресече некоја акција, меѓутоа не беше на ниво, најслаб на натпреварот и праведно заменет.

Сонг 8.5 - МОТМ дефинитивно има сенс за гол. Ја читав изјавата на Венгер и во текот на натпреварот и јас неколку пати се накурчив во смисла дека за ДМЦ премногу трча напред, ама тотално ме демантираше и целосно се исплатеше. Бравос!

Цеск 7 - Прво полувреме не му идеше баш најсјано, најверојатно поради повредата второ почна да пушта топки и да фрчат акции на сите страни.

Насри 7 - Седмица само поради слободниот кој беше еден од најдобрите што сум ги видел. Штета што не влезе, ќе ми беше врх као голот на РвП против Чарлтон. Инаку послаб во споредба со другите натпревари, ама секој може да има тапа ден, Самир си е Самир.

Аршавин 6.5 - Добро почна, лошо заврши. Најисфиркуван играч во Арсенал, ама сепак има квалитет и многу допринесува за тимот дури и кога не игра најдобро, затоа што учествува скоро во сите голови.

Чамак 5.5 - Лош, лош ден. Тотално отсечен, секој допир со топката му беше да не речам лош. ама ќе речам. Имаше и пенал врз него што не беше сфирнат ама имаше тапа утакмица.

Измени:

Волокот 7 - Кога влезе Волкот, дечкиве од Вест Хем почнаа да се ТРЕСАТ! Погоди статива и создаде уште некоја шанса. Има големи шанси да го биде :))

"B-52" 6 - Немаше шанси да се докаже.

Ебуе - Ебуе е цар бе, не му треба оценка! Од сега Ебуе ќе го оценуваме описно!

Инаку, сега ги гледав црвените газови со комшииве, значи какви гејзери се у пм. Морате да го видите вториот гол што го дадоа. Чао животе!

Се гледаме со Шахтјор.