Arsenal & Д трансфер кити

Први јуни и официјално може да се каже дека претставува (барем за мене) крај на старата сезона и почеток на новата. Затоа што тогаш започнуваат сите оние шпекулации кои поврзувааат мал милион играчи со нашиот клуб. Без разлика за која позиција се работи, дури и да е позиција на која имаме за секој играч по две резерви, сепак ќе се најде некој за кој Венгер би бил "заинтересиран". Меѓутоа лесно е да се рече дека оваа сезона шпекулациите за доаѓање и одење на играчи започнаа многу многу порано, уште пред истекот на самата сезона.

Најпрво дојде веста дека Адебајор 100% нема да игра за Арсенал и наредната година. На ова влијаеше и неговото неиграње на последните 2 натпревари кои ги играше Арсенал. Меѓутоа недела дена подоцна Адебајор излезе со изјава дека и наредната сезона ќе биде во Арсенал без разлика на шпекулациите кои постоеја (освен ако не го шитне Арсен), а истото го потврди и вчера. Што би значело дека доколку Аде остане, тогаш сите шпекулации кои ќе не поврзуваат со некој напаѓач се залудни затоа што ги имаме: RvP, Ade, Bendtner, Eduardo, Vela, а да не ги ставам и Симпсон и уште некој од младинците, зашто претпостављам пак ќе идат на лоан.

Покрај вестите за заминувањето на Аде, започнаа да излегуваат информации коишто не поврзаа со Герет Бери од Вила. Сумата која што се шпекулираше, изнесуваше околу 12 милиони фунти, причината за волку "ниската цена" е тоа што Бери влегува во последната година од неговиот договор и иако претседателот на Вила би сакал да остане па дури и во случај да не потпише нов договор, сепак жеЉата на Бери е да игра уште наредната сезона во ЛШ, што го прави и воедно многу опиплив трансфер и доста реален.

Друг играч којшто ја игра истата позиција е Чаби Алонсо. Алонсо исто како и Бери беше поврзуван уште минатото лето со заминување од Ливерпул. Мене уште не ми е јасно како уште го трпи Рафа покрај сите фрки кои му ги правеше и дебилниот однос кој го имаше кон него. Сепак тоа што остана и сезоната во која што изигра перфектно, ја покажа и големата професионалност на овој играч, која што би дошла како добар пример за многу играчи од нашиот состав. Затоа сметам дека Чаби е исто така реална трансфер цел на раководството на Арсенал.

Други посибл трансфер таргетс се Лескот и Хангеланд. Иако мислам дека за оваа позиција Венгер ќе изненади, со тоа што ќе донесе некој чкљ играч од чкљ клуб и кој ќе игра како Сања првата сезона на десен бек, сепак вреди да се напомене затоа што и двајцата се одлични играчи и достапни за одредена сума на пари.
Хангеланд изјави дека без разлика на заинтересираноста на други клубови, сепак ќе останел во Фулам. Не верувам дека ќе го исфура овој менталитет да игра во Европа Лига до крај, затоа што ако навистина се заинтересирани Арсенал за него, нема да има ваков шалабајзерски однос. Сумата за кој се шпекулира е 8 мил. фунти.
Квалитетите на Лескот ни се на сите многу добро познати, не само од игрите на Евертон туку беше дел и на многу тимови од fantasy. Лескот е одличен дефанзивец, којшто почна да игра како лев бек, за понатаму да ја завземе централната позиција. Одлично се снаоѓа и на двете позиции, но мислам дека најголема негова предност се воздушните дуели, она што многу ни фалеше оваа сезона и тоа не само одбрана сите сме свесни колку многу поени ни имаат донесено неговите голови. Лескот кошта око 12 мил. фунти.

Трансфер шпекулациите како и секоја година говорат дека Венгер располага со приближна сума, која се движи во дијапазон од 12 до 120 милиони фунти. Што е навистина точно само Венгер knows. Меѓутоа во неколку наврати има изјавено дека никогаш немал проблем со парите кога се у питање трасфери, за одма после тоа да се демантира со изјава дека да имал доволно пари ќе го купел Рибери. Знае понекад да замачка очи, ама јебига тоа е. Барем да се знае дека виновникот поради кого се изгради стадионот и Арсенал продолжи да биде шампионски клуб не е крив за тоа што има големи трошоци за отплаќање на кредити и голем дел од парите одат таму, наместо на засилувања.

Значи бидете свесни дека и ова лето нема да има ремонт на тимот, како што се најавува секое лето. Eдинствена веројатност да си замине некој постои околу: Галас, Аде и Бишчоф. Доколку ова се случи се надевам дека Венгер ќе најде соодветна замена иако ќе се изгуби воиграноста во тимот. Ако си иде Аде, не верувам дека ќе земаме напаѓач. За Галас не сакам да шпекулирам затоа што се уште се е тивко и ништо не се знае. Меѓутоа доколку си отиде повеќе би сакал да видам во тимот еден средњак (Бери, Алонсо), а местото на Галас да се потполни од Сонг или Џуру, зато што сеуште стојам на мислењето дека Сонг може да биде уан оф д бест централ дифендерс ин д врлд!

Трасфер циркузот ќе трае до 31 Август, затоа опуштете се и не верувајте на секого, затоа што само Венгер знае кој ќе игра, а кој не за Арсенал догодина.

Поздрав!