Aрсенал - Челзи оценки

Ете и Челски тепаше на Ешбартон, Арсенал беше поразен... не, понижен на домашен терен. Челзи може не заслужија да дадат први гол, ама дефинитивно искусно си го одработија натпреварот. Можеби беа помотивирани, сакаа да докажат дека заслужиле да бидат во финалето, или може повеќе сакаа да си обезбедат место во групите на ЛШ догодина.

Не сум тажен, не сум лут, туку сум разочаран, Арсенал изгубија дома зашто не играа како Арсенал, почнаа така, но по првиот гол ги снема. Почнаа сите да прават глупи грешки, да подаваат во празно, да се замислуваат дека се балерини или пливачи. Ме разочараа и навивачите кои повторно им докажаа за сите дека пеат само кога победуваат (со ретки исклучоци).

Оценките, искрено нема да бидат многу добри, ама мислам и дека ги заслужија:

Фабиански (6,5) - За првиот гол мислам дека воопшто немаше шанси да го одбрани, вториот направи сè што можеше, а за четвртиот едноставно немаше среќа. Но имаше и грешки, имаше неколку одлични интервенции, но знаеше и да заплива пез потреба.

Сања (6,5) - Пробуваше во напад, и беше горе долу стабилен во одбрана.

Туре (5,5) - Авто гол, можеби не целосно по негова вина, но сепак си ја затресе мрежата. Излетуваше во напад во првото полувреме, ама мислам дека по голот изгуби малку самодоверба па стоеше назад.

Силвестер (5,5) - Искрено не ме воодушевува човекот кој го купивме поради неговото искуство. Можеше да покрие за вториот гол, ама едноставно си се повлече во гужвата.

Гибс (6,5) - Беше добар по страната, иако кога одеше напред немаше подршка од средниот ред. Неколкуте топки кои ги доби ги уфрли во шестнаесетник, ама па повеќето кај Чех во раце.

Волкот (5,5) - Џабе трчаше кога не знае да подава, ме разочара со неговите обиди да влезе со топка во гол, во ситуации кога имаше повеќе опции. Заменет со Адебајор.

Диаби (5) - Катастрофа, еден момент потсеќа на Виера, а во следниот пробува да помине низ четворица играчи. Многу лесно губеше топки. Заменет со Бентнер.

Цеск (6) - Знае да му вика на судијата, а не може да им подвикне на соиграчите. Го снабди Волкот со неколку одлични топки, но овој само ги упропасти.

Сонг (6,5) - Беше борбен во средината, украде неколку топки, но не беше ништо посебно. Заменет со Денилсон.

Насри (6,5) - Трчаше низ цела средина, но едноставно не е доволно силен за дуели со Есиен и Микел. Многу лесно го покриваа, и не играше доволно со Гибс.

Ван Перси (6,5) - Требаше да биде напаѓач, ама мислам дека заедно со Цеск се повлекуваше назад. Слабо изиграно, имаше една или две шанси во кои не успеа да направи ништо.

Измени:

Бентнер (6,6) - Даде еден гол, ама се почесто добивам впечаток дека не сака да биде напаѓач туку крило.
Денилсон (/)
Адебајор(/)

Денилсон и Адебајор не покажаа нешто за да бидат оценети.

Друго нешто што ме разочара е фактот што загубивме зашто не играме како тим. Главниот впечаток за денешниот натпревар ми беше дека играат Челски против единаесет играчи кои играа за себе.