Сигурно повеќето од вас знаат дека во изработка е официјален сајт на Арсенал Македонија. За редовно одржување на сајтот потребни се луѓе кои ќе пишуваат текстови од одредени категории. Заинтересираните нека се пријават овде или на фејсбук, по што ќе се договориме за деталите.
Минатогодишниот натпревар на Олд Трафорд сѐ уште го паметам како да беше вчера. Недосудениот пенал над Аршавин, изглумениот пенал на Руни, автоголот на Дијаби, непризнатиот гол на Робин. Тој ден Мајк Дин буквално ми го скрши срцето.
Утре нѐ пречекува Coward Webb, познат во јавноста како фан на Манчестер и како Гринч што го украде Божиќ. Иако Арсенал има прилично добар скор на натпреварите кои ги има судено Веб, мене типот едноставно не ми е симпатичен. Исто онолку колку што Јунајтед отсекогаш ми биле несимпатични како тим. По безобразната изјава на месје Евра, се надевам дека „тренинг кампот“ ќе му покаже како се игра фудбал. Евра можеби заборава колку познат фудбалер беше самиот тој кога имаше 23 години и играше за Монако.
За жал, кај Манчестер нема повредени фудбалери и ќе настапат во најсилен состав. Екипата на Фергусон сезонава сѐ уште нема пораз, иако има голем број на нерешени натпревари.
Арсенал сезонава има најдобар скор од сите екипи на гости со вкупно освоени 17 бода.
Иако во насловот пишав „да се биде или не“, искрено не сметам дека победата или поразот од овој натпревар ќе бидат одлучувачки на крајот од сезоната. Сведоци сме на тоа што пред две сезони Ливерпул и Арсенал имаа многу подобар скор во меѓусебните дуели со Манчестер и Челзи, а сепак не ја освоија титулата. Сепак, оваа победа мене лично ќе ми биде важна за да затне неколку погани усти.
Во секој случај, очекувам добар фудбал утре. И нормално очекувам Насри да не му подаде рака на Евра.
Ми имаат кажано дека омилени ми се голманите кои секогаш бранат најдобро токму против Арсенал. Со едниот се соочивме минатата недела (Фридл), а другиот на ред е оваа. После долгото лето шпекулации и неговото поднесено барање за трансфер, Марк Шварцер вчера го продолжи својот договор со Фулам до 2012 година. Интересот за него најверојатно спласна, откако Венгер за официјалниот сајт излезе со изјава дека не планира ништо да купи во зимскиот преоден рок.
Фудбалерот од десната страна на Шварцер е според мене најопасниот поединец на Фулам. Американецот одлично изведува слободни удари и мислам дека на него треба најмногу да се внимава.
Арсенал има одличен меѓусебен скор на домашен терен со Фулам и се надевам дека истиот ќе успее да го задржи. Интересен податок е што декември обично е одличен месец за Арсенал. А токму овој декември има неколку натпревари кои може да се покажат како клучни сезонава.
Уште еден податок на кој наидов вели дека Арсенал сезонава има дури 147 шута на гол, повеќе од кој било друг тим во Премиер лигата. Тоа кажува дека малку треба да се поработи на финишот. :) Истовремено дојде и изјавата од Чамак, кој рече дека сезонава си поставил цел од 20 гола.
На утрешниот натпревар покрај повредените: Цеск, Дијаби, Вермален и Фримпонг, под знак прашалник се и Скилачи и Насри. И двајцата имаат помала повреда на коленото.
Венгер изјави дека сѐ уште не е сигурен дали Ван Перси е доволно фит за да стартува во Премиер лигата.
Кај Фулам нема да настапат: Дембеле, Халиче, Салсидо, Замора, Стур, како и нашиот поранешен дефанзивец - Сендерос. А во екипата по повреда се враќа Ендрју Џонсон.
Важно е да се освојат три бода утре. Следат неколку тешки натпревари меѓу кои трите дербија со Јунајтед, Челзи и Сити, како и натпреварот со секогаш незгодниот Стоук.
Денешното привју решив да го почнам со мало потсетување на една од легендите на Арсенал - Роберт Пирес.
Роберт Пирес е роден 1973 година во Ремс, Франција.
Во 2000 година потпишува договор со Арсенал за сума од 6 милиони фунти. Пирес доаѓа на местото на Марк Овермарс, кој истата сезона потпишува за Барселона за тогаш рекордни 25 милиони.
Вкупно бележи 189 настапи и 62 гола. Пирес беше дел од „Непобедливите“ во сезоната 2003/2004 и тој игра една од клучните улоги за освојувањето на титулата таа година. Таа сезона тандемот Пирес-Анри резултирал со дури 57 гола во сите натпреварувања.
Пирес исто така е дел од неславното финале во ЛШ, 2006 година, кое заврши уште понеславно за него, бидејќи мораше да биде заменет по црвениот картон на Леман.
Тоа е последната сезона на Пирес како топџија. По заминувањето, кариерата ја продолжува во Виљреал каде минува 4 години и од каде летоска заминува како слободен играч. По неколку месечните тренинзи во Лондон со својот поранешен клуб Арсенал, Пирес пред десетина дена потпиша договор со Астон Вила. И веќе во сабота судбината сакаше повторно да се сретне со Арсенал. Овој пат Боби ќе игра за другата екипа. Се надевам дека ќе го видиме уште на стартот и дека ќе биде топло отпоздравен од навивачите на Арсенал.
Збор-два и за натпреварот.
Арсенал и Астон Вила меѓусебно имаат одиграно 179 натпревари, од кои Арсенал победил 71, Вила 64, а 44 натпревари завршиле со нерешен резултат.
Арсенал повторно игра порано од ривалите и добива втора шанса со победа барем накратко да се искачи на првото место на табелата.
Вила се одличен тим кој знае да ги искористи шансите. Исто така го имаат според мене еден од најдобрите голмани во Премиер Лигара - Бред Фридл. По натпреварот против Манчестер пред некое коло, сфатив дека можеби го имаат истиот проблем како нас. При водство од 2:0, за 12 минути успеаја да примат 2 гола и да изгубат драгоцени поени (како и да ги изнервираат навивачите на Арсенал). Сепак моментално и болницата на Вила е преполна и Улие изјави дека зимскиот преоден рок ќе бидат принудени да купат двајца играчи. Повредени: Петров, Рио Кокер, Хески, Делф, Кару, Куељар, Кларк, Беје, Сајдвел, Колинс и Олбрајтон. Според официјалниот сајт на Вила, постои шанса Кару, Колинс и Беје да се вратат за дуелот против Арсенал.
Кај нас покрај стандардните отсутни: Фримпонг (лигаменти), Дијаби (зглоб) и Вермален (црна магија), се придодаваат и новите повреди на Цеск и Ебуе. Прогнозата за Ебуе не е добра, со оглед на тоа што пишува дека може да бидат 4, 6 или 8 недели. Првобитната проценка за Цеск е две недели, но се чека на резултатите од денешниот скен. Клиши има повреда на грбот, но најверојатно ќе биде фит за сабота. Ремзи и Алмунија веќе не се повредени и изиграа по едно полувреме за резервите. Сепак мислам дека нема да настапат во сабота.
Тип за состав?
Се надевам дека момците ќе дадат сѐ од себе во сабота и дека ќе им докажат на сите дека овој тим има капацитет за титули.
После третиот пораз на домашен терен, веќе во 14-то коло Арсенал заостанува цели 2 бода зад минатогодишниот шампион Челзи и слободно може да се збогува со титулата годинава. Откако сите го испратија Венгер каде сѐ не, тој реши да ги послуша фудбалските експерти од Македонија и да замине на пат. Арсенал утре оди во Брага. Таму ќе може да се бори за влез во осминафиналето на Лигата на шампионите, натпреварување кое исто така немаме амбиции да го освоиме.
Веќе се најавени отсуствата на Аршавин, Ван Перси и Клиши, што значи дека најверојатно ќе настапиме со половичен или втор состав.
-Фабијански-
-Ебуе-Џуру-Скилачи-Гибс
-Истмонд
-Росицки-Џеки-Насри-
-Тео-Ники-
Големото Лондонско дерби. Не. Големото дерби на Северен Лондон. Не.
Можеби да бевме Лондончани од Северен Лондон ќе сфатевме зошто овој натпревар е наречен дерби. Во мојата кариера на следење фудбал досега никогаш не успеав да ги видам Тотенхем како некој голем, сериозен конкурент, иако познавам неколку момци кои од дното на душата ги мразат „Кокошките“. Исто така познавам и еден љубител на пилешки прсти, ама другпат за тоа.
Комшиите лани за прпват по години успеаја малку да ме замислат. Статистиката е следнава:
-Поразот кој Арсенал го претрпе од Тотенхем годинава во април беше прв по 21 одигран натпревар.
-Спарси имаат само една победа над Арсенал на гостински терен и тоа во далечната 1993 година.
-Во последните 11 меѓусебни натпревари Арсенал успеал да земе 29 бода од вкупно 33.
-Во последните 23 меѓусебни одиграни натпревари Тотенхем ниту еднаш не успеале да не примат гол.
Статистиката исто така вели дека најопасен за нашата мрежа досега се покажал Џермејн Џенас со постигнати 4 гола. Сепак годинава мислам дека клучно е да се спречи тандемот Бејл-Ван Дер Варт.
Кога сме кај повредите, среќна вест за нас е што по извршениот преглед кај Џеки не е коснтатирана никаква повреда и можно е да го видиме во утрешниот состав. Се чекаат резултатите од прегледите на Росицки и Аршавин. Од другите единствен повратник во составот е Кошчелни, кој се враќа по два натпревара казна.
Повредени се: Алмунија, Диаби, Вермален, Фримпонг, Ремзи.
Кај Кокошките по подолго време отсуство се враќа Џермејн Дефо. Под знак прашалник се Крањчар и Ленон, а повредени се: Досон, Хадлстоун, Кин, Дос Сантош, Кинг, Вудгејт и О'Хара.
Очекувам интересен натпревар со многу голови. Во последните 6 натпревари помеѓу овие два тима имало вкупно 25 гола.
Се надевам на нови 3 бода со кои барем за кратко ќе успееме да се искачиме на врвот на табелата.
Посакуван состав:
-Фабијански-
-Клиши-Кошчелни-Скилачи-Сања-
-Сонг-
-Насри-Цеск-Аршавин-
-Робин-Чамак-
Некако ми фали многу оваа комбинација, иако мислам дека можно утре да го видиме и Тео Волкот во почетниот состав.
Поздрав со една песна и да покажеме утре дека постои само еден тим во Северен Лондон!
What we're gonna do
Is beat the scum,
Then we will show that we're London's number one.
What we're gonna do is beat the scum,
Then we will show that we're London's number one.
Каков перфектен викенд за Арсенал, во, по зборовите на Арсен Венгер, најнеизвесната сезона за трката по титулата. Чекав да заврши натпреварот на Челзи за да напишам нешто, а мислам дека и другите колеги тука го чекаа истото. И имаа што да чекаат, Сандерленд се покажаа, како и лани, за многу заебан тим, иако Диана искоментира дека ја променила табелата уште претходно, онака како што треба да изгледа!
За нашиот натпревар, првото полувреме не беше нешто особено, двете страни како да си ги испитуваа силите, но некаде при крајот на полувремето притиснавме и тоа вроди со прекрасен гол на Бакари Сања - да токму тој.
Второто полувреме почна во арсеналовски стил и резултира со брз гол на капитенот по асистенција на Шамак, а тој пак пропушти 100% шанса за трет гол. Но со огромен посед на топката, Арсенал мирно го контролираше натпреварот некаде до 75 минута кога се разбуди Евертон и притисна, но неколку добри блокади на денес солидниот Сонг и добри интервенции на веројатно голманот бр.1 во моментот и во иднина Фабијански (ако Венгер го врати Алмунија на гол стварно многу ќе згреши), се справуваа со налетите сѐ до нерегуларниот гол на Евертон во 89 минута по што следеа нервни 5 минути кога веројатно и вас како и мене живците ни се кинеа и ни поминуваше мислата - да не се повтори Сандерленд. Но тоа не се случи. 3 тешки бода од тешко гостување, иако се покажува дека тешките гостувања повеќе ни лежат од „лесните“ домашни натпревари.
Сега следува најлошото, репрезентативни натпревари од кои Арсенал речиси секогаш излегува оштетен, доволно да ги спомнам последните примери на Ван Перси и Вермален. Да се надеваме и молиме дека сега нема да има такво нешто.
Гледам и сега, а и неколку натпревари по ред Фабиански го избираат за играч на натреварот, изгледа фановите ја повратија довербата во него?!
П.С.
И Бентнер да не го фати повредата „клетва“? Баш ме интересира дали Венгер ќе спомне нешто во изјавата по натпреварот.
Posts
All Comments
